منتديات رامبو ترحب بكل الاعضاء والزوار
 
الرئيسيةالبوابةس .و .جبحـثالتسجيلالأعضاءالمجموعاتدخولفديو كليبالقرآن الكريم

شاطر | 
 

 لية يا حبيبى

اذهب الى الأسفل 
كاتب الموضوعرسالة
m_r803
Operator
Operator
avatar

عدد الرسائل : 148
العمر : 73
الموقع : ساظل احبك حتى لو طال انتظارى فان لم تكن قدرى فقد كنت اخنيارى
تاريخ التسجيل : 01/04/2008

مُساهمةموضوع: لية يا حبيبى   الإثنين يونيو 30, 2008 1:45 am

ليـه ياحبيبــي؟
--------------------------------------------------------------------------------

ليه يا حبيبي كل ما ادخل أوضه ألقاك في انتظاري
وآجي ألمسك تبقي بخار من ضي
و كل ما امشي في حي
القاك على سطوح البيوت
ريحان منبّت في القصاري
و طير معشّش في شق
*******
وآجي اندهلك.. تطير
ترفرف من سطوح لسطوح
انا صوتي ليه طالع كده مبحوح
نفسي اضم حبيبي وآخد منه تاري
طال المطال على حبنا المجروح
على حضن مش مسموح
جلابيتك في الشمس
لا بتنشف.. ولا حبل الغسيل بيبوح
*******
فين انت ياصاحبي الوحيد
فين حضنها الدفيان عينيك
وانا باحْبي ع الاشعار.. وباتسند عليك
مش كنت فوله وانت حطيتها على قطنه مبلوله بايديك؟
حطيتها ع الشباك
و دبت في ميّه النيل في العصاري
ليه يا حبيبي كل ما ادخل حزن اقول بيتنا
وكل ما ادخل بيت اقول
ده سجن اشواقي اليك
*******
انا ضلمة وانت بعيد
و آجي اعتذر للنور مايقبلش اعتذاري
ليه ياحبيبي قبل ما الحق اقول باحبك
خلص الغرام في اول التنهيد
و باقول باحبك للكراسي الفاضيه
للمكتب البردان وضلّك مش عليه
لكن .. تصدق بإيه
انت الوحيد المالي داري
بَراح غيطان اخضر
وباقي الكون.. بَراري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لية يا حبيبى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Rambo designer :: منتدى الشعر :: منتدى الخواطر-
انتقل الى: